Gescrap laugarren postutik aldentzen da Fontetan jasotako porrotarekin

Gescrap Bizkaiak 66-63 galdu zuen Valentzia Basketek aurka jokatutako partidan eta, ondorioz, laugarren postua eskuratu dute valentziarrek. Bilbao Basketek zail izango du Endesa Liga laugarren posizio horretan bukatzea aurkari zuzen baten aurka galdu baitzuen.

Partidari ondo ekin zion Valentziak (12-4), baina lehen laurdenaren erdialdetik aurrera Gescrap esnatu egin zen eta partida berdintzea lortu zuten laurdenaren amaierarako (16-16). Bigarren laurdenaren hasiera lehenengoaren antzekoa izan zen; Valentzia nagusi lehen minutuetan eta ondoren, Gescrapen erantzuna. Laurden honetan hamar punturainoko abantaila eskuartu zuen etxeko taldeak (26-16), baina Bilbao Basketek aldeak murriztu eta atsedenaldira lau puntuko desabantailarekin iristea lortu zuten (33-29).

Atsedenalditik bueltan, partida oso parekatua izan zen. Raul Lopezek bikain gidatu zuen taldea lehen minutuetan eta horri esker, partida berdindu zuen talde bizkaitarrak (38-38). Valentzia, ordea, etxean jokatzen ari zen eta ezin zuen etsi. Hirugarren laurdena amaituta, Valentziak berriro lau puntuko errenta lortu zuen (51-47).

Azken laurdenean bikain etorri zitzaion aurrez lortutako abantaila Valentziari eta beste hasiera on bat eginda 62-49 irabazten jarri ziren. Bilbao Basketek ez zuen etsi eta azken txanpan hiru puntura gerturatu ziren Raul Lopezen lan bikainari esker. Azkenean, garaipenak ez zion ihes egin etxeko taldeari (66-63).

Fitxa teknikoa:

66. Valencia Basket (16+17+18+15): Markovic (8), Rafa Martinez (10), Claver (7), Caner-Medley (15) eta Lishchuk (4) -hasierako bostekoa- De Colo (6), Faverani (3), Newley (8), Pietrus (5)

63. Gescrap Bilbao (16+13+18+16): Jackson (6), Blums (7), Mumbrú (4), D'Or (11) eta Hervelle (4) -hasierako bostekoa- Mavroeidis (6), Grimau (2), Banic (9), Vasileiadis (5), Raul Lopez (9), Fisher (-).