Bilbao Basket
Lesioa
Fischerrek lesioa du eskuin orkatilan
Erredakzioa
Bilbao Basketek jakinarazi duenez, Ricardo Fischerrek "tenosinobitisa du eskuin orkatilako muskulu peroneoetan. AINEdun, krioterapiadun eta tekarterapiadun tratamendua jasoko du".
-
Ricardo Fischer. Argazkia: EiTB
Ricardo Fischerrek lesioa du eskuin orkatilan eta baja izango da, gutxienez Alba Berlinen aurkako partidarako. Asteazkenean jokatuko du RETAbet Bilbao Basketek Eurokopako azken partida eta Fischer ez da jokatzeko prest egongo.
Bilbao Basketek jakinarazi duenez, jokalariak "tenosinobitisa du eskuin orkatilako muskulu peroneoetan. AINEdun, krioterapiadun eta tekarterapiadun tratamendua jasoko du". Klubak ez du zehaztu Fischerrek bajan emango duen epea.
