Bilbao Basket
Miribillan
Bilbao Basket ondo aritu da, baina ezin izan dio Real Madrili irabazi
Agentziak | Erredakzioa
Luca Doncic juniorra, 16 urtekoa, izan da Real Madrileko onena. Beltzezko gizonak, epaileek asko zigortuta, gelditu ditu, oso partida lehiatuan.
-
Dominion Bilbao Basket 92 - Real Madril 99 / EFE.
Bilbao Basketek Miribillan galdu du Real Madrilen aurka (92-99). Luca Doncic, 16 urteko zurien gaztea, gakoa izan da Real Madrilen garaipenerako. Ondo aritu behar izan dute zuriek Dominioni gailentzeko.
Real Madril hobeto aritu da bukaeran, Bilbao Basketek partida iraultzea saihesteko. Epaileak gogor zigortu ditu beltzezko gizonak, eta Miribillako publikoak haserre bukatu du partida.
Doncicen estatistikak ez dira batere ohikoak, Endesa Ligan, bere adineko jokalari batentzat: 15 puntu, 6 errebote, 4 asistentzia eta 22ko balorazioa. Gaztea gakoa izan da Real Madrilen gorakadan, eta neurketaren azken minutuetan.
Jaycee Carroll (19 eta 16), Gustavo Ayon (13, 5 eta 22), Jeffery Taylor (12) eta Sergio Llull (12) ere garrantzitsuak izan dira Real Madrilen garaipenean.
Aurrean, Alex Mumbru kapitainak, 20 urte gehiagorekin, beltzezkoen nabarmenena izan da (16, 4, jasotako 8 falta eta 17).
Kapitainaz gain, Bilbao Basketen, Axel Hervelleren intentsitaterik gabe, Dairis Bertans (21 eta 20) eta Raul Lopez (7 asistentzia) dira nabarmengarriak.
FITXA TEKNIKOA
Dominion Bilbao Basket: Hannah (5), Bertans (21), Mumbru (16), Alex Suarez (9) eta Bogris (7) -hasierako boskotea-; Raul Lopez (8), Ruoff (12), James (10), Borg (4), Mendia eta Dejan Todorovic.
Real Madrid: Sergio Rodriguez (10), Llull (12), Maciulis (3), Reyes (8) eta Ayon (13) -hasierako boskotea-; Carroll (19), Doncic (15), Taylor (12), Nocioni (5) eta Hernangómez (2).
Partzialak: 23-17, 23-31, 19-17 eta 27-34.
9-17 eta 27-34.