Bilbao Basket
Endesa Liga
Bilbao Basket, indartsu Manresaren kontra (86-77)
Erredakzioa
Nahiz eta lehen laurdena galtzen hasi (18-26), Sito Alonsoren mutilek markagailua irauli, eta aise irabazi dute azkenean.
-
Alex Mumbru (Bilbao Basket) eta Zeljko Sakic (Manresa). EFE
Bilbao Basketek eta Manresak Endesa Ligako 20. jardunaldiko partida jokatu dute Miribillako pabiloian.
Bilbotarrek ez dute ondo hasi neurketa, makal eta ahul ibili dira lehen laurdenean, batez ere defentsan, eta zortzi puntu azpitik amaitu dituzte lehen hamar minutuak (18-26).
Sito Alonsok esnatu egin ditu mutilak, eta, Alex Munbruri eta Marko Todorovici esker (jokatu egin du azkenean), irabazten joan dira atsedenaldira: 39-38. Bigarren zatian, berean jarraitu du Bilbao Basketek, eta azken minutuetan 10-12 puntuko abantailak izan ditu; horri esker, amaiera lasaia izan dute Miribillan.
Endesa Ligako hamabosgarren garaipena izan da Bilbokoentzat.
Partzialak: 18-26 / 21-12 (39-38, atsedenaldian) / 19-16 / 28-23 (86-77, amaieran).
