Bilbao Basketen egoera, konponbidean

ETBk negoziazioaren hurbileko iturrietatik jakin ahal izan duenez, Gorka Arrindak, Bilbao Basket taldeko akziodun nagusiak, eta kudeatzaileen talde alternatiboak hitzarmena itxi dute gaur. Odorioz, baliteke konponbidea gertuago egotea.

Akzioak eskualdatzeko hitzarmen horren arabera, Gorka Arrindak kluba utzi egingo du eta akziodunen batzarra deituko dute. Gainera, ostegunean, "keinu ekonomiko bat" egingo omen dute jokalariek. Beraz, greba deialdia berriz aztertzeko aukera izango dute jokalariek, eta Bartzelonaren kontrako partida jokatzeko erabakia gertuago egon daiteke.