Bilbao Basket
22 urte eta 2,08 metro
Bilbao Basketek Jordan Williamsen fitxaketarekin itxi du taldea
Erredakzioa
Jokalari estatubatuarrak 22 urte dauzka, eta 2,08 metro neurtzen ditu.
-
Jordan Williams. Argazkia: EFE
Bilbao Basketek Jordan Williams estatubatuarra fitxatu du, eta datorren denboraldiko taldea itxi du horrela. Irailaren 30a baino lehen kontratua eteteko aukera izango du talde bizkaitarrak.
Williamsek 22 urte ditu, eta 2,08 metroko altuera du. 2011. urtean NBAko 'draft'ean 36. postuan aukeratu zuen New Jersey Nets taldeak. Talde honetan 43 partida jokatu zituen, eta 2012. urtean Atlanta Hawksera joan zen, baina Georgiako taldean ez zuen minuturik izan.
Fitxaketa honekin, hauxe da Bilbao Basketek 2013-2014 denboraldirako izango duen taldea: Raul Lopez, Roger Grimau; Dairis Bertans, Fran Pilepic, Sergio Sanchez, Alex Mumbru, Zoran Vrikic; Antanas Kavaliauskas, German Gabriel, Axel Hervelle, Mamadou Samb eta Jordan Williams.
