Pilota
CaixaBank Masters
Jon Mariezkurrenak jokatu ahalko du, ostiralean, CaixaBank Masterseko finalaurrekoetan
EITB MEDIA
Berriozarreko atzelariak ezin izan zuen parte hartu San Mateo Torneoan, ezker hankako aduktorean lesioa baitzuen. Dagoeneko osatuta dago eta Nafarroa Arenan izango da, Peio Etxeberriarekin batera, Peña II.a-Zabaleta aurkari. CaixaBank Masterseko finalerako txartela eskuratzea izango du helburu.
-
Jon Mariezkurrena, artxiboko irudian. Argazkia: EITB Media.
Jon Mariezkurrenak jokatu ahalko du, ostiralean, urriaren 4an, 2024ko CaixaBank Masterseko finalaurrekoetan, Iruñeko Nafarroa Arenan.
Berriozarreko atzelariak ezin izan zuen parte hartu San Mateo Torneoan, ezker hankako aduktorean lesioa baitzuen. Dagoeneko osatuta dago eta kantxaratu egingo da ostiralean.
Peio Etxeberriarekin batera, eta Peña II-Zabaleta aurkari, Mariezkurrenak CaixaBank Masterseko finalerako txartela eskuratzea izango du helburu.
EITBk, eitb.eus-en eta ETB1en bidez, zuzenean emango du aipatutako finalerdia, bai eta egun horretan bertan Altuna III.a-Iztueta eta Zabala-Imaz bikoteek jokatuko dutena. Igandean izango da finala, Nafarroa Arenan, eta EITBk zuzenean emango du hori.
