Pilota
Egun batzuk jokatu gabe
Lasori apendizitis ebakuntza egin diote
EITB Media
Unai Laso ospitaleratu egin dute, apendizitisak jota. Pilotaria ebakuntza-gelatik pasa da, eta egun batzuk eman beharko ditu jokatu gabe.
-
Unai Laso, pilotaria. Argazkia: Baiko Pilota
Unai Lasori apendizitis ebakuntza egin diote ostiral honetan, ekainaren 3an, Baiko Pilota enpresak jakinarazi duenez. Ondorioz, ez du jokatuko Munitibarren aurreikusita zeukan partida.
Laso ospitaleratu egin dute apendizitisak jota, eta ebakuntza-gelatik pasa da. Orain, egun batzuk eman beharko ditu pilotan jokatu gabe.
Alabaina, Jon Ander Peñak ordezkatu du Nafarroako pilotaria Munitibarko jaialdian; hortaz, Peña II.a izango du bikotekide Morgaetxebarriak, Artolaren eta Eskirozen aurkako lehian.
