Lau t'erdikoa
Abenduaren 9an, Oguetan
Olaizola-Bengoetxea finala ikusteko sarrera guztiak agortu dira
Erredakzioa
Gasteizko Ogueta pilotalekua lepo egongo da abenduaren 9an, igandean. Kantxako sarrerarik garestienak ostiralean agortu ziren.
-
Argazkia: Aspe
Olaizola ostegunean entrenatu zen Gasteizko pilotalekuan, Jorge Ricorekin batera. Laugarren eta bosgarren koadroetatik "nahiko ondo" piloteatu eta gero, astelehenerako bizkarreko mina guztiz desagertzea espero zuela aitoru zuen Goizuetako aurrelariak.
"Astelehenarekin edo asteartearekin alderatuta gaur hobeto nago, lautik eta bostetik nahiko ondo piloteatu dut, baina zenbait posturatan mina dut oraindik", azaldu zuen.
"Datorren astelehenean entrenamendu on bat egiteko baldintzetan egongo naizela uste dut", erantsi zuen.
