Lau t'erdikoa
Tolosako Beotibar pilotalekuan
Julen Retegik Saralegi Lau t'erdiko Txapelketatik at utzi du
Erredakzioa
Nafarroako pilotariak 22-13 gainditu du Ekaitz Saralegi Tolosan, eta final-laurdenetako ligaxka jokatzeko sailkatu da.
Julen Retegik Lau t’erdiko Txapelketako final-laurdenetako ligaxka jokatzkeo txartela lortu du, Ekaitz Saralegi kanporatuta. Eratsungo aurrelariak 22-13 irabazi du Tolosako Beotibar pilotalekuan, eta "Kaiolan" bizirik jarraitzen du.
Saralegik partida agintzen hasi du, 10-3ko markagailu erosoarekin, baina Retegi Bik ederki erantzun du 11-7koa jarrita. Nafarroako pilotariak, 0-5eko partzialari esker 12-12koa jartzea lortu du, eta Ekaitz Saralegik zalantza unea izan du. Eratsungo pilotaria markagailuan goitik jarri da aurrenekoz (12-13), eta gipuzkoarra ezinean ibili da. Retegi Bik alde polita eskuratu du, sakea ederki aprobetxatuta (13-20), eta neurketa ia erabakita gelditu da.
Gipuzkoako aurrelariak ezin izan du Julen Retegi gelditu, eta nafarrak 22-13 irabazi du partida. Eratsungo pilotariak final-laurdenetarako txartela lortu du, eta Saralegi Lau t’erdiko Txapelketatik kanpo gelditu da.
