Lau t'erdikoa
Elizondon
Xala final-laurdenetan da, Elezkanori irabazita
Erredakzioa
Iparraldeko pilotaria aise gailendu zaio Danel Elezkanori 22 eta 13. Partida bere alde izan du Xalak lehen tantutik.
![](http://media.eitb.eus/multimedia/images/2013/10/26/1220844/xala_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Yves Xalaberri 'Xala' pilotaria Lau t'erdiko txapelketako final-laurdenetarako sailkatu da Elezkano 22 eta 13 mendean hartuta. Final laurdenetako ligaxkan Martinez de Irujo eta Olaizola II.a izango ditu aurkari, besteak beste.
Xalari gauzak alde jarri dizkio hasiera-hasieratik; 9 eta 0 jarri da aurretik markagailuan, Danel Elezkanok egindako hutsek lagunduta.
Baina Zaratamoko pilotari gazteak ez du etsi eta 4 eta 8ko partzialari esker, bost tantura jarri da markagailuan: 13 eta 8.
Hala ere Yves Xalaberri esperientzia handidun pilotaria da eta ondo baino hobeto eutsi dio bizkaitar gaztearen erreakzioari.
Azkenean, Xala garaile 22 eta 13. Final-laurdenetako ligaxkan Martinez de Irujo eta Olaizola II.a pilotarien kontra jokatu beharko du, besteak beste.