Binakakoa
13. jardunaldia
Urdulizek, Gasteizek, Logroñok eta Tolosak hartuko dituzte partidak
Erredakzioa
Bengoetxea VI-Apraiz eta Irujo-Barriola bikoteen arteko neurketa hartuko du Urdulizeko pilotalekuak ostiralean. Olaizola eta Beroiz liderrek Xala eta Laskurain hartuko dituzte Oguetan, larunbatean.
-
Argazkia: EITB
Jardunaldia Urdulizeko udal pilotalekuan hasiko da ostiralean. Bengoetxea VI-Apraiz bikoteak Irujo eta Barriola izango ditu aurrean. Larunbatean, Gasteizko Ogueta pilotalekuan, Olaizola II-Beroiz bikote liderrak Xala eta Laskurain izango ditu aurkari.
Igandean Logroñoko Adarraga pilotalekuak hartuko du lekukoa. Titín III-Merino II bikoteak Berasaluze VIII eta Albisuren kontra jokatuko du. Astelehenean, Tolosako Beotibar pilotalekuan, aukerarik ez duten bi bikote lehiatuko dira: Arretxe II-Begino eta Aritz Lasa-Zubieta.
