Binakakoa
3. jardunaldiko laburpena
Bi bikote buruan eta parekotasun handia gainerakoen artean
eitb.eus
Jaka-Zabaleta eta Artola-Imaz bikoteek galdu gabe jarraitzen dute, hiru garaipen lortuta beste horrenbeste jardunalditan.
-
Jaka eta Zabaletak irabazi egin zieten Ezkurdia eta Martijari. Argazkia: ETBren bideo bat
Binakako Txapelketako hirugarren jardunaldia amaitu eta gero, bi bikote ageri dira besteen gainetik, orain arte jokatutako hiru norgehiagoketan beste horrenbeste garaipen erdietsi baitituzte.
Jaka-Zabaleta eta Artola-Imaz dira aipatu bi bikoteak. Lehendabizikoek 22-20 irabazi zieten Ezkurdia eta Martijari larunbatean, Iruñean. Bere aldetik, Artola eta Imaz argitasunez gailendu zitzaizkien Bengoetxea VI.a eta Mariezkurrena II.ari (22-14) ostiralean, Tolosan, jardunaldia ireki zuen partidan.
Jardunaldiko beste bi norgehiagokek lehendabiziko puntuak ekarri zizkieten Laso-Albisu zein Altuna III.a-Galarza bikoteei. Lehenengoek 22-14 azpiratu zituzten Olaizola II.a eta Urrutikoetxea, Bilbon. Bigarrenei dagokienez, Irribarria eta Rezusta izan zituzten aurrez aurre Eibarren, baina goraka ari den bikotea dela erakutsi zuten, eta 2017ko txapeldunen aurka 22-17 irabaztea lortu baitzuten.
| BINAKAKO TXAPELKETAKO SAILKAPENA 3. JARDUNALDIAREN OSTEAN |
|||||
| Bikoteak | Irabazitako partidak |
Aldeko |
Kontrako tantoak |
+/- |
|
| 1.a |
Jaka-Zabaleta |
3 | 66 | 42 | +24 |
| 2.a | Artola-Imaz | 3 | 66 | 45 | +21 |
| 3.a | Laso-Albisu |
1 | 61 | 58 | +3 |
| 4.a | Ezkurdia-Martija |
1 | 63 | 61 | +2 |
| 5.a | Altuna-Galarza | 1 | 56 | 61 | -5 |
| 6.a | Bengoetxea-Mariezkurrena |
1 | 57 | 65 | -8 |
| 7.a | Olaizola-Urrutikoetxea |
1 | 49 | 65 | -16 |
| 8.a | Irribarria-Rezusta | 1 | 44 | 65 | -21 |
