Binakakoa
Azken orduko erabakia
Binakako Txapelketa: Aldaketak Labriteko eta Beotibarreko partidetan
A.B.
Erredakzioa
Aimar Olaizolak eta Beginok astelehenean jokatuko dute Tolosan Xala eta Zabaletaren aurka. Bestalde, Irujok eta Merino II.ak larunbatean Labriten jokatuko dute Berasaluze VIII-Apraiz bikotearen aurka.
Olaizola II.ak eta Beginok Tolosako Beotibarren jokatuko dute astelehenean Xalaren eta Zabaletaren aurka. Partida hau larunbatean Labriten zegoen iragarrita, baina azkenean Tolosan jokatuko da.
Bestalde, Irujok eta Merino II.ak larunbatean labriten jokatuko dute Berasaluze VIII-Apraiz bikotearen aurka. Norgehiagoka hau astelehenean Beotibarren jokatzekoa zen, baina azkenean larunbatean Iruñean jokatuko da.
Asteburuko pilota partiden egutegi eta ordutegia horrela geratzen da:
Ostiralean Zornotzan, 22:15ean: TITIN III - BEROIZ / ARRETXE II - IBAI ZABALA (zuzenean eitb.com-en)
Larunbatean Iruñean, 17:15ean: MTZ. de IRUJO - MERINO II / BERASALUZE VIII - APRAIZ
Igandean Eibarren, 17:00etan: GONZALEZ - LASKURAIN / BENGOETXEA VI - PATXI RUIZ (zuzenean eitb.com-en)
Astelehenean Tolosan 16:30ean: OLAIZOLA II - BEGINO / XALA - BARRIOLA
