Binakakoa
Bigarren jardunaldia
Artolak eta Mariezkurrenak Binakako Txapelketako lidertzari eutsi diote
ERREDAKZIOA | EITB.EUS
Bikote gaztea 22-13ko aldearekin gailendu zaio Urrutikoetxea-Aretxabaleta bikoteari. Bigarren tokian, ordea, Olaizola II-Albisu bikotea ditugu.
Albisteak (3)
Iñaki Artolak eta Jon Mariezkurrenak Binakako Txapelketako lidertzari eutsi diote, igande honetan, Bizkaia Frontoian, Urrutikoetxea eta Aretxabaletari 22-13 irabazita.
Olaizola II-Albisu bikoteak, berriz, bigarren postua eskuratu du Bengoetxea eta Imazi 22 -17 irabazita. Hirugarren postuari dagokionez, Altuna III-Martija bikotea dugu, zeinak 22-19 irabazi zuen Irribarria eta Zabaletaren aurka. Laugarren postua Elezkano II-Rezusta bikoteak eskuratu du Ezkurdia eta Galarzari 22-6 irabazita.
Bosgarren postuan, Irribarria eta Zabaleta ditugu. Urrutikoetxea eta Aretxabaleta, berriz, seigarrenean daude, Bengoetxea VI eta Imaz azken aurrekoan eta Ezkurdia-Ladis Galarza sailkapena osatzen duen azken bikotea dugu.
| BIKOTEAK | IRABAZITA |
TANTOAK ALDE |
TANTOAK KONTRA |
ALDEA | |
| 1 | Artola - Mariezkurrena II.a | 2 | 44 | 27 | 17 |
| 2 | Olaizola II.a - Albisu | 2 | 44 | 36 | 8 |
| 3 | Altuna III.a - Martija | 2 | 44 | 38 | 6 |
| 4 | Elezkano II.a - Rezusta | 1 | 37 | 28 | 9 |
| 5 | Irribarria - Zabaleta | 1 | 41 | 37 | 4 |
| 6 | Urrutikoetxea - Aretxabaleta | 0 | 34 | 44 | -10 |
| 7 | Bengoetxea VI.a - Imaz | 0 | 29 | 44 | -15 |
| 8 | Ezkurdia - Galarza | 0 | 25 | 44 | -19 |
