Binakakoa

7-22

Ezkurdia-Zabaleta bikotea finalera sailkatu da, Olaizola II.ari eta Imazi irabazita

eitb.eus

Publikatuta: 2018/03/24 19:57 (UTC+1) Azken eguneratzea: 2021/04/26 13:21 (UTC+2)

Olaizola II.ari eta Imazi 7-22 irabazita, finalerako txartela eskuratu dute Joseba Ezkurdiak eta Jose Javier Zabaletak.

1:37

• Whatsapp
• Whatsapp
• telegram
• twitt
• Bidali
• Esteka kopiatu

Joseba Ezkurdiak eta Jose Javier Zabaletak osatzen duten bikoteak, Binakako Txapelketako finalerako txartela lortu du, Aimar Olaizolari eta Ander Imazi 7-22 irabazita finalerdietako ligaxkako hirugarren jardunaldiko partida.

Indartsu ekin diote partidari Ezkurdiak eta Zabaletak. Aspeko bikoteak azkar lortu du abantaila hartzea (0-4). Ondoren, Olaizola II.ak eta Imazek aldeak murriztu dituzte (2-4), baina Ezkurdia-Zabaleta bikoteak erabat nagusi izaten jarraitu eta 11 punturainoko errenta lortu du (3-14). Olaizola II.a eta Imaz ezinean ibili dira, baina erreakzio txiki bat izan eta desabantaila pixka bat murriztu dute (6-14). Hala ere, Ezkurdiaren eta Zabaletaren nagusitasunak nabarmena izaten jarraitu du, eta Aspeko bikoteari ez dio garaipenak ihes egin (7-22).

Porrota jaso arren, Olaizola II.ak eta Imazek badute aukerarik finala jokatzeko; hori bai, Altuna III.a-Martija bikoteak garaipena lortzea behar dute Elezkano II.aren eta Rezustaren aurka. Elezkano II.a-Rezusta bikoteak garaipena lortuz gero, bikote hau sailkatuko da finalera.