Arrauna
Igoera play off-a
Oriok Bermeon erakustaldia eman eta igoera eskura du
Erredakzioa
KAE-1 Ligan azaldutako nagusitasunarekin jarraitu dute horiek eta play off-eko lehen jardunaldian erakustaldia eman dute Bermeoko uretan.
Orio nagusi izan da igoera play offeko lehen jardunaldian, Bermeon. Erlojupekoren aurreneko paladatik horiak nagusi izan dira eta ez dute lehen postua utzi proba osoan zehar.
Ondorioz, Mirotza-k igoera eskuan du, baina Portugaleten baieztatu beharko du igande honetan. Zumaiak estropada bikaina egin du eta bigarren sailkatu da oriotarren atzetik.
Santurtzi hirugarren helmugaratu da eta Portugaleteko uretan borroka egin beharko du; izan ere, Zumaia izango du aurkari igoera lortzeko. Amegrove Galiziako ontzia azken sailkatua izan da.
Sailkapena:
1. Orio 21.20:80 4 puntu
2. Zumaia 21.40:58 3 puntu
3. Santurtzi 21.54:20 2 puntu
4. Amegrove 21.55:40 puntu 1
