Parisko Olinpiar Jokoak 2024
Atletismoa
Bolt-Blake eta Xiang-Robles dueluek arreta bereganatuko dute
Redacción
Oscar Pistoriusen parte-hartze historikoak eta David Rudisha, Kenenisa Bekele, Yelena Isinbayeva edo Paula Radcliff atleten arrakasta goseak atletismo programa markatuko dute.
-
Usain Bolten aurpegia Londreseko aparkaleku batean. EFE
Usain Boltek mundua txundituta utzi zuen Pekingo Olinpiar Jokoetan eta urtebete geroago mitoa luzatu zuen Berlingo Munduko txapelketan, 100 metrotan (9.58) eta 200 (19.19) metrotan errekorrak ezarrita. Hala ere, Jamaikako atletaren nagusitasuna zalantzan jarri du Yohann Blake herrikideak, munduko txapeldunak.
Era berean, 100 metroko hesidun proban borroka latza izango dela ematen du. Azken bi txapeldun olinpikoek lehia bizia izango dute. Liu Xiang Pekingo desengainua izan zen, Atenasen urrea lortu eta gero; izan ere, lasterketa utzi behar izan zuen lesionaturik. Orain garaipena lortu nahi du berriro, baina horretarako Dayron Robles egungo txapeldun olinpikoa gainditu beharko du.
Pistorius eta Isinbayeva
Gainera, Londreseko Estadio Olinpikoak une historikoa biziko du abuztuaren 4an. Jokoen historian aurreneko aldiz atleta anputatu batek parte hartzeko aukera izango du. Oscar Pistorius Hegoafrikako atletak bi hankak ebakita ditu eta karbono zuntzeko protesi batekin lehiatzen da. 400 metrotan eta 4X400 proban parte hartu eta ametsa beteko du.
Emakumezkoetan, Yelena Isinbayevak arreta bereganatuko du; izan ere, Jokoetan bere onera itzuli nahi du garai zailak atzena utzi ostean. 30 bat errekor ezarri dituen atleta, txapeldun olinpikoa, seigarren sailkatu zen Daegun, baina orain dela gutxi munduko errekorra hautsi zuen pista estalian.
