Parisko Olinpiar Jokoak 2024
Londres 2012
Su olinpikoa maiatzaren 18an helduko da Erresuma Batura
Erredakzioa
Londres 2012ko sugarra maiatzaren 10ean piztuko dute Grezian eta zortzi egun geroago Kornualleseko base militar batera helduko da.
-
Maiatzaren 18a helduta, su olinpikoa Erresuma Batuan zehar eramango dute 70 egunean. Argazkia: EITB
Hurrengo maiatzaren 10ean piztuko dute Londres 2012ko sugarra Olinpian, Heraren tenpluan (Grezia), eta zortzi egun geroago British Airwaysen hegazkin batean helduko da Kornualleseko base militar batera (Erresuma Batua).
Sebastian Coe Antolamendu Batzordeko presidenteak adierazi duenez, Olinpian, Heraren tenpluan, ordubeteko erritua egingo dute, su olinpikoa Greziako hirietatik eramango duen bideari hasiera eman aurretik.
Maiatzaren 18a helduta, su olinpikoa Erresuma Batuan zehar eramango dute 70 egunean, Olinpiar Jokoen inaugurazio ekitaldia egin arte, hau da, uztailaren 27ra arte.
