Barça-Juventus eta Erroma-Atletico partidak Txapeldunen Ligari ekiteko

Astearte honetan hasiko da 2017-2018. denboraldiko Txapeldunen Liga, A, B, C eta D multzoetan dauden taldeen partidekin. Norgehiagoka guztiak, 20:45ean hasiko dira. Neurketa guztien gainetik, azpimarragarriak dira Bartzelona-Juventus eta Erroma-Atletico Madril partidak. Izen handiko taldeak elkarren aurka, lehen jardunaldian.

D multzoan daude Bartzelona eta Juventus. Kataluniarrak eta italiarrak astearte honetan ariko dira elkarren aurka Camp Noun. Multzoko beste neurketa Olympiacosek eta Sporting CP taldeek jokatuko dute Grezian.

Erromak eta Atletico Madrilek jokatuko duten partida da C multzoko norgehiagoka handia. Multzo honetan dagoen Chelseak, Qarabag izango du aurkari Stamford Bridge estadioan.

B multzoan dauden bi talde indartsuenak dira PSG eta Bayern, biak daudelarik txapelketa irabazteko faboritoen artean. Frantziarrek Glasgown jokatuko dute Celticen aurka eta alemaniarrak Anderlechten aurka neurtuko dira Allianz Arenan.

Talde handi baten itzulera biziko du A multzoak. Manchester United Txapeldunen Ligara itzuliko da Basel aurkari izango duelarik Old Trafforden. Benficak eta CSKA Moskvak jokatuko dute multzo honetako beste partida.

Lehen jardunaldiko partidak (20:45ean):

A MULTZOA

Manchester United-Basilea

Benfica-CSKA Moskva

B MULTZOA

Celtic-PSG

Bayern Munich-Anderlecht

C MULTZOA

Roma-Atletico Madril

Chelsea-Qarabag

D MULTZOA

Olympiacos-Sporting CP

Bartzelona-Juventus