Txapeldunen Liga
Txapeldunen Ligako finala
Mourinho: "Van Gaal garrantzitsua izan da nire kirol ibilbidean"
Andoni Beldarrain
Erredakzioa
Bi entrenatzaileak Bartzelonan aritu ziren lanean eta portugaldarra laguntzaile moduan aritu zen.
Larunbat honetan Bayern Munichek eta Inter Milanek Txapeldunen Ligako finala jokatuko dute.
Aulkian elkar ondo ezagutzen duten bi entrenatzaile ikusiko ditugu; Louis Van Gaal (Bayern) eta Jose Mourinho (Inter). Portugaldarra holandarraren laguntzailea izan zen Bartzelonan. Mourinhok eskertu egiten du Van Gaalek eman zion konfidantza: "Van Gaal oso garantzitus izan da nire kirol ibilbidean. Adiskidantzazko partidak eta Kataluniako Kopakoak zuzentzen uzten zidan".
Inter Milaneko entrenatzaileak hitz onak eskaintzen dizkio Van Gaali: "Hamar urte dira batera egon ginenetik. Pertsona ezberdina izango da aldatu egiten garelako, baina oso pertsona ona zen eta hori ziur ez dela aldatu", esan zuen Mourinhok.
Portugaldarraren ustez oraindik berriro Txapeldunen Liga irabaziko du. "Espero dut laster Txapeldunen Liga bi talde ezberdinekin irabazi duten entrenatzaileen artean egotea. Lortuko dudala uste dut, gaztea bainaiz eta 20 urte gehiago entrenatzen aritzeko gogoa baitut", gaineratu zuen Mourinhok.
