Txapeldunen Liga
Final-zortzirenak (joanekoa)
Real Madrilek ia bermatu du final-laurdenetarako txartela
Agentziak | Erredakzioa
Zidanek zuzentzen duen taldeak 0-2 irabazi zuen Erromaren zelaian, Cristiano Ronaldo eta Jeseren golei esker. Wolfsburgek ere lortu zuen emaitza ona, Ganteri 2-3 gailenduta.
-
Real Madrilek 0-2 irabazi zuen Erroman. Argazkia: EFE.
Real Madrilek eta Wolfsburgek oso ondo bideratu zuten Txapeldunen Ligako final-zortzirenetako kanporaketa, Erroman (0-2) eta Ganten (2-3) irabazita. Bi taldeek, beraz, aldeko emaitzarekin ekingo diote itzulerako partidari.
Real Madrilek 0-2 irabazi zuen Erromaren zelaian. Cristiano Ronaldok eta Jesek egin zituzten golak, bigarren zatian. Portugaldarrak hamabi gol daramatza dagoeneko denboraldi honetan Txapeldunen Ligan. Zidanek zuzentzen duen taldea sendo ibili zen atzo gaueko partidan.
Wolfsburgek, bere aldetik, 2-3 irabazi zuen Ganten, Julian Draxlerrek bi golekin (Max Krusek sartu zuen bestea). Gante, dena den, ondo borrokatu zen; izan ere, markagailua 0-3 ere egon zen, baina etxekoek ia lortu zuten buelta ematea. Emaitza, hortaz, ona da Wolfsburgentzat, baina, partida nola joan zen ikusita, gazi-geza izan zen.
Final-zortzirenetako joaneko partidak:
Asteartea, otsailaren 16a
PSG - Chelsea (2-1)
Benfica - Zenit (1-0)
Asteazkena, otsailaren 17a
Gent - Wolfsburg (2-3)
Erroma - Real Madril (0-2)
Asteartea, otsailaren 23a
Arsenal - FC Bartzelona (20:45)
Juventus - Bayern München (20:45)
Asteazkena, otsailaren 24a
Dynamo Kiev - Manchester City (20:45)
PSV - Atletico Madril (20:45)
:45)