kirolak
Final-zortzirenak (itzulera)
Txapeldunen Liga: Lyonek Real Madril kanporatu du
Andoni Beldarrain
Erredakzioa
Frantziarrek 1-1 berdindu dute Bernabeun eta final-laurdenetarako sailkatu da. Manchester Unitedek 4-0 jipoitu du Milan eta hurrengo fasean dago.
Madrildarrak 1-0 aurreratu dira Cristiano Ronaldok 6. minutuan sartutako golari esker. Lehen zatian jaun eta jabe izan da Real Madril, baina aukera asko galdu zituen. Higuainek gol aukera argia eduki zuen, baina bere jaurtiketak zutoina jo zuen. Bigarren zatia askoz berdinduagoa izan zen eta Olympique Lyonek 1-1ekoa lortu zuen 75. minutuan. Pjanicen golak final-laurdenetarako txartela eman zion talde frantziarrari.
Manchester, final-laurdenetan
Manchester Unitedek 2-3 irabazi zion Milani joaneko partidan eta Old Trafforden jokatu zen itzulerako norgehiagokan 4-0 jipoitu zuten ingelesek talde italiarra. Rooneyk bi gol sartu zituen, Parkek hirugarrena eta Fletcherrek azkena sartu zuen. Final-laurdenetan nor izango duten aurkari jakin nahi du orain Manchester Unitedek.
