Txapeldunen Liga
Final-zortzirenak
Txapeldunen Liga: Arsenal eta Bayern Munich, final-laurdenetara
Josu Bilbao
Erredakzioa
Arsenalek 5-0 irabazi dio Oportori Bendtnerren "hat-trick" batekin eta Bayern, Robbenen gol ikusgarri bati esker sailkatu da 3-2koa sartu eta gero.
Arsenalek eta Bayern Munichek, sailkapena lortu dute Txapeldunen Ligako final-laurdenetarako, Oporto eta Florentina gainditu ostean.
Arsenalek, joaneko partidako 2-1ekoa gainditu behar zuen eta Arsene Wengerren mutilek ez dute arazorik eduki Oporto gainditzeko. Ingelesak nagusi izan ziren partida osoan eta lehenengo zatian, Bendtnerren bi golekin , emaitzari buelta ematea lortu zuten 2-0 (lehenengo gola 10. minutuan eta bigarrena 25.ean)
Bigarren zatia antzeko izan zen eta portugaldarrak ez ziren gai izan talde ingelesaren atera arriskuz hurbiltzeko. Nasrik hirugarren gola sartu zuen 64. minutuan eta Ebouek laugarrena 66. minutuan. Bosgarren gola Bendtnerrek sartu zuen berriz ere, egin zuen partida bikaina borobilduz. Azken emaitza 5-0eko izan zen eta Arsenalek Oporto bezalako talde indartsua kanpoan utzi zuen.
Fiorentina-Bayern partida, norgehiagoka bizia eta emozioz betetako izan zen. Izan ere, italiarrak, markagailuan aurretik jartzea lortu zuten (Vargas 28.minutuan) joaneko emaitzari buelta emanez (1-0). Bigarren zatian, Joveticek Florentziako taldearen bigarren gola sartu zuen 54. minutuan, baina Van Bommelek Bayernen aldeko gola sartu zuen lau minutu geroago (2-1), sailkapena alemanirarren alde jarriz. Joveticek berriz ere, 64. minutuan Fiorentina aurretik jartzea lortu zuen (3-1) baina Robbenen jaurtiketa eder batek Munichekoen alde utzi zuen sailkapena 3-2.
- Fitxa teknikoa:&' || 'nbsp; Arsenal 5 - Oporto 0
Arsenal: Almunia, Sagna, Campbell, Vermaelen, Clichy, Nasri(Denilson, m.72), Song, Diaby, Rosicky (Ebou, m.57), Bendtner etaArshavin (Walcott, m.76).
Oporto: Helton, Fucile, Rolando, Bruno Alves, Pereira, RubenMicael (Mariano González, m.76), Coelho (Rodríguez, m.45), RaulMeireles, Varela (Guarin, m.76), Falcao, Hulk.
Golak: 1-0, m.10: Nicklas Bendtner; 2-0, m.25, Bendtner; 3-0,m.64: Samir Nasri; 4-0, m.66: Emmanuel Eboue; 5-0, m.90: Bendtner, penaltiz.
- Fitxa teknikoa:&' || 'nbsp; Fiorentina 3 - Bayern Munich 2
Fiorentina: Frey; Felipe (Pasqual, min 79), Kroldrup, Natali,De Silvestri; Vargas (Keirrison, min 82), Zanetti, Montolivo,Marchionni; Jovetic, Gilardino.
Bayern Múnich: Butt; Lahm, Van Buyten, Badstuber, Alaba; VanBommel, Schweinsteiger; Robben, Ribéry (Pranjic, min 92), Müller,Gómez (Klose, min 30).
Golak: 1-0: Vargas (min 28); 2-0: Jovetic (min 54); 2-1: VanBommel (min 60); 3-1: Jovetic (min 64); 3-2: Robben (min 65).
