Txapeldunen Liga
Finalerdiak
Borussiak Real Madril jipoitu du (4-1)
Erredakzioa
Lewandowskik egin zituen Dortmundeko Borussiaren lau golak. Mourinhoren taldeak partida txarra egin zuen, eta, ondorioz, markagailua irauli beharko du bueltako neurketan.
-
Borussia, garaipena ospatzen. Argazkia: EFE
Borussia Dortmund taldeak uste baino errazago gainditu zuen Real Madril, Jose Mourinhoren taldea, Txapeldunen Ligako finalerdietako joaneko neurketan.
Robert Lewandowskiren partida ikusgarria izan zen: lau golak egin zituen, eta besteren bat sartzeko abaguneak ere izan zituen. Madrilgo taldeak, Wembleyko finalean egoteko, alde erosoa kendu beharko dio Borussiari hurrengo astean, bueltako partidan, Bernabeu futbol-zelaian.
Fitxa teknikoa:
4 - Borussia Dortmund: Weidenfeller; Piszczek (Grosskreutz, 83), Subotic, Hummels, Schmelzer; Bender, Gundogan (Schieber, 90); Blaszczykowski (Kehl, 82), Götze; Reus; eta Lewandowski.
1 - Real Madril: Diego Lopez; Ramos, Varane, Pepe, Coentrao; Khedira, Xabi Alonso (Kaka, 80); Ozil, Modric (Di María, 68), Cristiano Ronaldo; eta Higuaín (Benzema, 68).
Golak: 1-0, 8': Lewandowski. 1-1, 43': Cristiano Ronaldo. 2-1, 50': Lewandowski. 3-1, 55': Lewandowski. 4-1, 67': Lewandowskii.
