Txapeldunen Liga
Final laurdenak
Real Madrilek eta Bayernek sartu dituzte gol gehien orain arte
Erredakzioa
18 gol sartu dituzte final laurdenak arte jokatutako 8 partidetan. Bestalde, Juventus eta Borussia dira porrotik jaso ez duten bakarrak.
-
Madrildarrek 2,25 gol egiten dituzte partida bakoitzean, batez beste. Efe.
Real Madril eta Bayern Munich dira Txapeldunen Ligako final laurdenetara gol gehien sartuta iritsi diren taldeak. Madrildarrek eta alemaniarrek 18 gol sartu dituzte, hau da, 2,25 gol partida bakoitzeko.
Bestalde, gol gutxien egin dituen taldea Malaga da, 14 golekin, eta ondoren (eta ezustean) Bartzelona. Kataluniarrek 15 gol sartu dituzte 'bakarrik'.
Halaber, Paris Saint Germain da garaipen gehien lortu duena, zazpi orotara; eta gutxien, Real Madril eta Malaga (lau garaipen bakoitzak).
Gainontzeko estatistiketan, azpimarratzekoa da Real madrilek sartutako golen erdia areatik kanpo egindako jaurtiketen bidez lortu dituela. Hala ere, apustu-etxe gehienetan Bartzelona jotzen dute faborito nagusi, batez ere Milanoren kontra lortutako garaipen handiaren ostean.
