Arkaitz Mariezkurrenak 2029ra arte berritu du Realarekin

Realak eta Arkaitz Mariezkurrena aurrelariak akordioa lortu dute kontratua 2028-29 denboraldiaren amaierara arte luzatzeko, Gipuzkoako klubak ostiral honetan iragarri duenez.

Astigarragakoa infantil mailan iritsi zen klubera, eta Rayo Vallecanoren aurkako berdinketan estreinatu zen golegile gisa. Mariezkurrenak martxoaren 2an egin zuen debuta Lehen Mailan, Bartzelonak 4-0 jipoitu zituenean donostiarrak.

Talde donostiarrak egun dituen baja ugarien aurrean, futbolaria (Realaren bigarren taldekoa oraindik) Imanol Alguacilen deialdian sartu da larunbatean Valladoliden aurka jokatzeko.