Griezmann, parrandan Frantziak Norbegiaren aurka jokatu aurretik

Erredakzioa

Azken eguneratzea: 2012/10/18 16:22 (UTC+2)

L'Equipek dioenez, 21 urtez azpiko selekzioko kideekin irten zen larunbatean, eta asteartean Norbegiaren aurka jokatzen zuten. M'Vila, Mavinga, Mbaye eta Ben Yedder izan zituen festa lagun.

Orria entzun Orria entzun

Antoine Griezmann Cadamurorekin batera Ligako partida baten. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Frantziako 21 urtez azpiko selekzioa Israelen jokatuko den 2013ko 21 urtez azpiko Eurokopatik at geratu da Norbegiaren aurka 5-3 galduta. Eurokopatik at geratzeak haserrea eragin du Frantzian, eta haserre horrek gora egin du, asteburuan selekzioko bost kide parrandan irten zirela jakin denetik. Bost jokalari horien artean aurkitzen da Antoine Griezmann Realeko jokalaria.

Albistea L'Equipe egunkari franztiarrak publikatu du. Antoine Griezmann, Yann M'Vila, Chris Mavinga, Mbaye Niang eta Wissam Ben Yedder jokalariek taxi bat hartu zuten larunbatean, Normandiatik Pariseraino joateko. Hurrengo goizean itzuli ziren kontzentraziora. Larunbatean parrandan irten ziren, eta asteartean Eurokoparako sailkapena zuten jokoan Norbegiaren aurkako partidan.

Frantziak 5-3 galdu zuen, eta Israeleko 21 urtez azpiko Eurokopatik at geratu zen. Griezmann ez zen hasierako hamaikakoan egon, baina 65. minutuan zelairatu zen eta gol bat sartu zuen.

Jokalariek facebookean jarritako argazki batzuen, eta Norbegiaren aurka lortutako emaitza txarraren ondorioz publikatu da albistea.