Reala
Hypermotion Liga
Magunazelaiak utzita jokatuko du Kordoban denboraldi amaierara arte
EITB Media
Jon Magunazelaiak Hypermotion Ligako Andaluziako taldean jokatuko du 2024-2025 sasoi amaierara arte, bi klubak eta jokalaria erabakia hartu ostean.
-
on Magunazelaia. Argazkia: @CordobaCF_ofi
Jon Magunazelaiak Kordoba taldean jokatuko du 2024-2025 denboraldi amaierara arte Realak utzita, Donostiako klubak abenduaren 30ean ohar bidez jakinarazi duenez.
Magunazelaiak gutxi jokatu du talde txuri-urdinarekin. EA Sports Ligan minutu batzuk izan zituen Valentziaren eta Sevillaren aurkako neurketetan. Europa Ligan, Dinamo Kieven kontrako lehia jokatzeko aukera izan zuen. Errege Kopan izan ditu minutu gehien: Jove Españolen aurkako neurketan gol bat sartu zuen eta Conqueseren kontra hasierako hamaikakoarekin ekin zion partiduari.
Kordoba Hypermotion Ligan (Bigarren Maila) dago. Andaluziako taldea sailkapeneko 14. postuan dago, 27 punturekin, eta sei puntura du jaitsiera.
