Reala
FITXAKETA
Realak Javi Lopez fitxatu du, 2030era arte
AGENTZIAK | EITB Media
Hegaleko defentsa gazteak Alavesen jokatu du aurreko denboraldietan, eta Luis Garcia Plazaren hamaikakoan ohikoa izan da.
-
Realak Javi Lopez fitxatu du. Argazkia: Reala
Realak iragarri du Alavesekin akordioa egin duela, Javi Lopez hegaleko defentsa gaztea fitxatzeko. 2030era arteko kontratua sinatuko du.
Javi Lopez 15 urterekin iritsi zen talde babazorrora, Tenerifetik, 2017-2018 denboraldian. Joan den denboraldian, Luis Garcia Plazaren hamaikakoan lekua egin zuen, eta 32 partida jokatu zituen Ligan eta 2 Kopan.
Bere lehen gola Valentziari sartu zion, eta erabakigarria izan zen Alavesek Lehen Mailari eusteko.
