Reala
Lesioa
Brais Mendezek haustura du eskuin besaurreko kubituan
EITB Media
Erdilari galiziarrak min hartu zuen Realak Vila-realen aurka jokatutako partidan, Capoueren kolpe bat jasota. Klubak jakinarazi duenez, Braisek haustura diafasoria du eskuin besaurreko kubituan.
-
Brais Mendez (Reala), min hartuta, Vila-realen aurkako partidan. Argazkia: EFE
Brais Mendezek haustura du eskuin besaurreko kubituan, Realak jakinarazi duenez. Larunbatean, abenduaren 9an, talde txuri-urdinak Vila-realen kontra (0-3) Zeramika zelaian jokatu zuen partidan min hartu zuen, Capoueren kolpe bat jasota.
Ondorioz, erdilariari ebakuntza egingo diote hilaren 12an, eta 2023an Realak jokatu beharreko neurketa guztiak galduko ditu: Txapeldunen Ligako Inter Milanen kontrakoa, eta EA Sports Ligako Betisen eta Cadizen aurkakoak, gutxienez.
Hauxe dio Realaren osasun parteak: "Brais Mendezek traumatismo bat izan zuen eskuin besaurrean Vilarreal-Real Sociedad partidan, kubituko haustura diafisario batekin. Datorren asteartean, 2023ko abenduaren 12an, tratamendu kirurgikoa emango diote Bartzelonan".
