Realak abenduaren 14an egingo du ohiko batzar nagusia

Realak abenduaren 14an egingo du 2023ko ohiko batzar nagusia; beraz, egun horretan onartuko ditu klubak aurreko ekitaldiko kontuak eta 2023-24 denboraldirako aurrekontua.

Realak ostegunean iragarri du batzar nagusirako deialdia, eta Donostiako Kursaal Jauregian egingo dutela zehaztu du. Gai zerrenda ohikoa da: 2023ko ekainean itxitako ekitaldiaren kontuak aztertu eta onartuko dituzte, eta indarrean dagoen denboraldirako aurrekontua bozkatuko dute. 2023-24 denboraldian, Reala Txapeldunen Liga ari da jokatzen.

Azken ekitaldietan bezala, aurreikuspena da Jokin Aperribay buru duen zuzendaritzak ez izatea arazorik batzarrean; izan ere, kluba egoera bikainean dago, arlo ekonomikoan, arlo sozialean, eta, jakina, kirol arloan ere bai.