Reala
Fitxaketa
Realak Brais Mendez fitxatu du
EITB MEDIA
Celtako jokalari ohiak 2028ko ekainaren 30era arte sinatu du kontratua talde txuri-urdinarekin.
-
Brais Mendez, Realaren elastikoarekin Reale Arenan. Argazkia: Reala
Realak Brais Mendez fitxatu du 2028ko ekainaren 30era arte, klubak asteazken honetan (uztailak 6) jakinarazi duenez. Galiziako jokalaria Celtatik iritsi da Donostiako taldera. Braisek 23 zenbakia eramango du elastikoan.
Brais Mendez 15 urterekin iritsi zen Celta taldearen harrobira. Lehen taldearekin 166 partida ofizial jokatu ditu, guztira, 22 gol erdietsita eta goleko 17 pase emanda. Braisek 20 urterekin egin zuen debuta Celtarekin Santander Ligan, Juan Carlos Unzue entrenatzaile zela. Ordutik, taldeko jokalari garrantzitsuenetako bat izan da. Espainiako selekzioarekin 2018an egin zuen debuta, 21 urte zituela.
"Magia duen jokalaria da, talentu handikoa. Realera iritsi da zelai erdia indartzeko, kalitatea gehitzeko eta taldearentzat lan egiteko", adierazi du Realak.
