Reala
KONTRATU-BERRITZEA
Ane Etxezarretak kontratua berritu du Realarekin, 2023ra arte
Agentziak | EITB Media
Donostiako taldeak baieztatu du kontratua beste urte baterako luzatuko diotela erdilari beasaindarrari.
-
Ane Etxezarreta kontratua berritu du Realarekin, 2023 arte. Irudia: @RealSociedadFEM
Ane Etxezarreta 2023ra arte egongo da Realari lotuta, klubak baieztatu duenez. Beasaindarrak bere zazipgarren denboraldia beteko du txuri-urdinez jantzita. "Oso pozik nago beste urte bat klubean jarraitzeagatik eta eskaini didaten konfiantzagatik", adierazi du Etxezarretak.
Horrez gain, Realaren telebistan esan du, harro sentitzen dela talde txuri-urdinaren kamiseta janzten jarraitzeagatik.
Etxezarreta "taldearekin eta taldea lortzen ari denarekin" oso pozik azaldu da, eta espero du Txapeldunen Ligan sartzearen helburua ahalik eta arinen lortzea, Realak egin duen "denboraldi bikaina" ospatzeko. Igande honetako 12:00etan, Zubietan, Rayoren aurka, txuri-urdina Txapeldunen Ligan sartzeko txartela eskuratzen saiatuko da.
