Reala
ZIGORRA
Bi partidako zigorra ezarri diote Silvari
AGENTZIAK | EITB MEDIA
Espainiako Futbol Federazioko Lehiaketa Batzordeak Realeko erdilaria zigortu du Betisen aurkako partidan ikusi zuen txartel gorriarengatik.
-
Díaz de Mera epaileak David Silva Realeko jokalaria kanporatzen du. Argazkia: EFE
Espainiako Futbol Federazioko Lehiaketa Batzordeak bi partidako zigorra ezarri dio David Silva Realeko jokalariari Betisen aurkako azken partidan ikusi zuen txartel gorriarengatik.
Silva apirilaren 15ean jokatu zen Santander Ligako 32. jardunaldiko partidan kanporatu zuten. Isidro Diaz de Mera Escuderos epaileari zuzendu zitzaion "joan zaitez pikutara" esanez, aktaren arabera.
Lehiaketa Batzordeak ez ditu onartu Realak aurkeztutako helegiteak. Hori dela eta, bi partidako zigorra eta 600 euroko isuna jarri dizkio jokalariari kanariarrari. Klubak, aldiz, 700 euroko isuna ordaindu beharko du.
