Rayo Vallecano-Reala (4-0): Porrota berriro ere

Realak txarto hasi du neurketa. Markel Bergara partida hasi orduko lesionatu da eta Montanierrek Illarramendigatik aldatu behar izan du. Hasierako ezustekoaren ondoren Realak jokoa kontrolatu du eta baloiaren jabea izan da. Baina 10. minutuan zeharo aldatu da norgehiagoka.

Muñiz Fernandezek penaltia adierazi du Rayo Vallecanoren alde eta Iñigo Martinez kaleratu du txartek gorriarekin. Defentsa txuri-urdinak Delibasic oratu du baloia gol marratik hurbil zegoela. Pitik penaltia sartu du.

Markagailua kontra eta jokalari bat gutxiagorekin, neurketa aldats gora jarri zaie donostiarrei. De la Bella ere lesionatu da eta Estradagatik ordezkatu du Montanierrek. Madrildarrak erreztasunez heldu dira Claudio Bravoren atera.

Bigarren zatian, Erreala markagailuari buelta emateko intentzioarekin egin du salto berdegunera, baina Michuk galarazi egin du. Atsedenaldi osteko laugarren minutuan Lass, taldekako jokaldi batean, Michuri erdiratu dio baloia eta Rayo Vallecanoko jokalariak ez du hutsik egin. Gola, bigarren zatia hasi berritan, Montanierrek gidatutako taldea apurtu du. Kontzentrazio falta eta jokalarien komunikazio ezagatik Rayo partidan jaun eta jabe izan da. Madrildarrak gustura jokatu dute bigarren zatian.

Michuk berriro aurreratu du talde lokala 62. minutuan eta 73.ean Trashorrasek laugarrena egin du (4-0). Realak jokalari bat gutxiagorekin jokatu du, bi jokalari lesionatu zaizkio eta markagailua kontra izan du. Vallecaseko zaleek olatua eginez agurtu dituzte euren jokalariak.

Fitxa teknikoa

4 - RAYO VALLECANO: Cobeño; Tito, Labaka, Jordi, Casado; Javi Fuego,Movilla; Lass (Susaeta, 77), Michu, Piti (Michel, 68); Delibasic (Trashorras, 62).

0 - REAL SOCIEDAD: Bravo; Carlos Martínez, Demidov, Iñigo Martínez, De La Bella (Estrada, 19); Markel (Illarramendi, 9), Mariga; Xabi Prieto, Zurutuza, Griezmann (Mikel González, 71); Vela.

Golak: 1-0, 12, Piti, penaltiz. 2-0, 49, Michu. 3-0, 61, Michu. 4-0, 72, Trashorras.

Epailea: Muñiz Fernández. Txartel horia Figuerasi (56) eta Estradari (57). Iñigo Martínez kanporatuta gorria ikusita (11).