Reala
2021era arte
Moyak kontratua berritu du Realarekin, urtebetez
Erredakzioa
Miguel Angel Moyak talde txuri-urdinean jarraituko du datorren denboraldian. Kontratua berritu du 2021eko ekainaren 30era arte.
![Miguel Angel Moya Miguel Angel Moya](http://media.eitb.eus/multimedia/images/2020/08/11/2640243/20200811184314_moya_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Miguel Angel Moyak kontratua berritu du Realarekin, urtebetez. Ondorioz, atezain espainiarrak 2021eko ekainaren 30era arte luzatu du talde txuri-urdinarekin duen lotura.
Moya 2018ko otsailean iritsi zen Realera, eta, guztira 36 partida jokatu ditu elastiko txuri-urdinarekin. Datorren denboraldian, taldean jarraituko du 36 urteko atezain beteranoak.
Moyak mezu bat bidali du Realeko jokalari eta zaleentzat: "Plazerra da beste urtebetez elkarrekin jarraitzea. Pozik nago, nahi dudan lekuan. Ilusio handia dut datorren denboraldirako. Laster ikusiko dugu elkar".