Realak bide beretik jarraitu nahi du

Reala Zubietan entrenatu da goizean. Txuri-urdinak Sevillaren kontra neurtuko dira asteartean. Eta jokalariek orain arte ibilitako bide beretik jarraitu nahi dute. Hasiera bikaina eman dio Realak aurtengo liga txapelketari eta jokoan zeuden 6 puntuetatik 4 lortu ditu.

Joan den astean, gainera, Bartzelonaren maila berean aritu ziren, batez ere bigarren zatian eta, ondorioz, sailkapen nagusian bosgarren dago Reala.

Hala ere, ez dago lasaitzerik, iaz ere hasiera ederra eman zioten ligari eta ondoren txakalaldia iritsi zen.