Reala-Bartzelona (2-2): Bigarren zati apartak puntua eman dio Realari

Urrezko puntua eskuratu du Realak Anoetan Bartzelonaren aurka. Txuri-urdinak 0-2 markagailuan azpitik joan dira atsedenaldira, baina bigarren zatian Agirretxek (57. minutuan) eta Griezmannek (59. minutuan) berdinketa jarri dute.

Messi, Iniesta eta Villa aulkian utzi dite Guardiolak, baina katalanak erasora irten dira aurreneko minututik. Alexis Sanchezek eta Cesc Fabregasek arrisku handia sortu dute bi abagune garbitan eta txuri-urdinek asko sufritu dute defentsan. Xavik 0-1ekoa ezarri du markagailuan lehen zatiko 9. minutuan eta Realak atzerapausoa eman du. 11. minutuan Bartzelonak 0-2ekoa jarri du Fabregasen jaurtiketari esker. Alexisen jaurtiketa Bravok desbideratu du, baina aldaratzea jokalari katalanari heldu zaio eta Cescek ez du barkatu.

Guardiolaren mutilek partida kontrolpean izan dute lehen zatian eta aurrelari blaugranek hirugarrena sartzeko aukerak izan dituzte. Alexisek min hartu du belaunean eta bere ordez Villa zelairatu da. Donostiarrek abagune ederra izan dute 44. minutuan, baina Xabi Prietok ezin izan du Valdes gainditu.

Bigarren zatian txuri-urdinak erasoan murgildu dira aurpegi berri bat erakutsiz eta Agirretxek 1-2koa lortu du buruz egindako erremate bati esker. 12. minutuan lortu du gola Usurbilgo aurrelariak eta 14. minutuan Griezmannek norgehiagoka berdintzea lortu du. Agirretxek langara bidali zartakoz jotako baloia eta jokalari frantziarrak aldaratzea sare barrura bidali du.

Montanierren mutilek garaipena bilatu dute, baina Bartzelona ere hirugarren golaren bila joan da. Messik eta Villak aukerak izan dituzte erasoan, baina Realeko defentsak sendotasuna erakutsi du. Gipuzkoarrek garaipena lortzeko bi abagune argi izan dituzte azkenengo minutuetan eta Guardiolaren taldeak asko sufritu du berdinketa mantentzeko.

- Fitxa teknikoa:

2. - Reala: Bravo; Estrada, Demidov, Iñigo Martinez, De la Bella; Illarramendi, Griezmann, Xabi Prieto (Cadamuro, 68. minutuan), Zurutuza, Mariga (Aranburu, 79. minutuan); Agirretxe (Vela, 79. minutuan).

2.- Bartzelona: Victor Valdes; Alves, Busquets, Adriano, Fontas (Iniesta, 81. minutuan); Keita, Xabi, Thiago (Messi, 62. minutuan), Alexis (Villa, 30. minutuan), Pedro eta Cesc Fabregas.

Golak. 0-1, 10. minutuan: Xabi. 0-2, 11. minutuan: Cesc. 1-2, 59. minutuan: Agirretxe. 2-2,60. minutuan: Griezmann.