Reala
Lesioak
Llorentek eta Zubeldiak ez dute Vila-realen aurka jokatuko
Erredakzioa
Diego Llorentek 'lehen graduko lesioa du ezker hankako barne bikian'. Igor Zubeldiak 'mina du eskuin iztondoan, eta ez zaio ezer patologikorik topatu'.
-
Igor Zubeldia, Bartzelonaren aurkako partidan. Argazkia: EFE
Diego Llorente eta Igor Zubeldia ez dira prest egongo Realak Vila-realen aurka ostegunean jokatuko duen partidarako. Bartzelonaren kontrako neurketan lesionatu ziren biak, eta ez dira sendatu.
Realak zabaldu dituen osasun-parteek diotenez, Llorentek 'lehen graduko lesioa du ezker hankako barne bikian', eta Zubeldiak 'mina du eskuin iztondoan, eta ez zaio ezer patologikorik topatu'.
Fisioterapia tratamenduarekin hasi dira biak, eta apurka-apurka bueltatuko dira lanera, lesio horien eboluzioaren arabera.
