Reala
2019ra arte dauka kontratua
Nahikarik Realean jarraituko du
eitb.eus
PSG talde frantziarrak aurrelari gipuzkoarra fitxatzeko asmoa azaldu zuen, denboraldi-aurrean bi taldeek elkarren aurka jokatu zuten partidaren ostean.
-
Nahikari García. Argazkia: EiTB
Realeko aurrelaria eta kapitaina den Nahikari Garciak Donostian jarraituko du denboraldi honetan, eta, horrenbestez, taldeko erreferentea izaten segituko du, nahiz eta Paris Saint-Germain talde frantziarra hura fitxatzen saiatu den.
Klub txuri-urdinak bere Twitter kontu ofizialean bideo bat argitaratu du ostiral arratsaldean, eta bertan Nahikari berak baieztatzen du aurten Gonzalo Arconadaren aginduetara jarraituko duela.
¿ ¡Seguiremos juntos @Nahikari_Garcia! ¿¿¿#GoazenNeskak #RealSociedad pic.twitter.com/t9RT8DFqIk
— Real Sociedad Fútbol (@RealSociedad) 21 de septiembre de 2018
Parisko klubeko talde teknikoari asko gustatu zitzaion urnietarraren jokamoldea, denboraldi-aurrean Realaren aurka Zubietan jokatu zuen partidan, eta fitxaketa gauzatzeko lanean ibili dira.
Talde golegile nagusiena (dagoeneko hiru gol daramatza) 2019ko ekainera arte dauka kontratua talde txuri-urdinarekin, eta 500.000 euroko etete-klausula dauka.
