Reala
Azken garaipena, 2005-2006an
Realak behin irabazi du Romaredan azken hamalau urteotan
Erredakzioa
Txuri-urdinek 2005-2006 denboraldian irabazi zioten Aragoiko taldeari azkeneko aldiz bisitari moduan.
Realak azken hamalau urteotan garaipen bakarra eskuratu du Romareda futbol zelaian Zaragozaren aurka eta 2011. urteko lehen partida bertan jokatuko dute gipuzkoarrek. Zale txuri-urdinek uste dute momentu aproposa dela aurtengoa Zaragozari irabazteko.
Aragoi aldean jokatutako azken sei partidetatik lau galdu ditu Realak bat berdindu eta beste bat irabazi. Garaipena 2005-2006 denboraldian izan zen. Txuri-urdinek 0-1 irabazi zioten Zaragozari Romaredan.
Azken hogei urteak kontutran hartuz gero badago Realak Romaredan irabazi zuen beste partida bat. 1995-1996 denboraldian 1-2 irabazi zuten donostiarrek.
Dena den, Romaredaz hitz egiteak ez du zentzu negatiboa soilik Realeko zaleentzat. Izan ere, 1987an John Toshack entrenatzaile zela Realak Errege Kopa irabazi zuen Atletico Madrilen aurka. Finala Romaredan jokatu zen.
