Huesca-Reala (1-1): Berdinketa Alcorazen

Realak eta Huescak bana egin ditu Alcoraz futbol-zelaian. Moisesek etxeko taldea aurreratu du markagailuan, baina Labakak banakoa egin du. Albisterik onena, Xabi Prietoren berragerpena.

Reala Huesca baino hobeto aritu zen hasierako minutuetan. Baloiaren jabetza, talde donostiarrarena zen baina gol-aukera garbirik ez zen.

Huesca saiatu zen kontraerasora, baina ez zuen min handirik egin Realaren atzealdean eta lasaitasunez egin zuten lehenengo 45 minutuak atzelari txuri-urdinek, lan askorik gabe.

Atsedenaldiaren ostean, partidak erritmoa hartu zuen eta etxekoek aukeraren bat izan zuten. Horietako batean, Moises aurrelari beteranoaren burukadak sare barruan amaitu zuen. Lehenengo gola zen.

Jonathan Estrada, Agirretxe eta batez ere Xabi Prieto jokalarien sarrerak beste erritmo bat eman zion Realari. Labakak egin zuen Jonathan Estradaren erdiraketa baliatuta amaierarako hamar minutu falta zirela.

Berdinketarekin, Reala bigarrenaren bila abiatu zen, baina ez zen heldu gola.

Emaitzak eta sailkapenak.

Horrela bizi izan dugu partida eitb.com-en.