Reala
Gaur, 19:00etan
Jokin Aperribay presidente aukeratuko dute berriro ere
Erredakzioa
Aperribay eta bere zuzendaritza batzordea osatzen duten kideak dira hautagai bakarrak, eta ez dute arazorik izango akziodunen babesa lortzeko.
Jokin Aperribay eta bere zuzendaritza batzordea osatzen duten kideak dira hautagai bakarrak, eta ez dute arazorik izango Realaren akziodunen babesa lortzeko.
Ezustekorik ez bada, ia aho batez jasoko dute bere karguetan jarraitzeko agindua. Giro instituzionala aspaldi baretu zen Realean, Aperribayk zuzentzen duen taldearen kudeaketak realzaleen oniritzia baitu.
Taldeak kirol emaitza bikainak lortu ditu, eta egoera ekonomikoa ezin hobea da. Denboraldi honetarako ia 50 milioi euroko aurrekontua aurkeztuko du zuzendaritza batzordeak. Illarramendiren salmenta eta Txapeldunen Ligak emandako diru-sarrerak tarteko, 40 milioi euroko irabaziak espero ditu Realak. Iazkoak, berriz, milioi erdi euroko irabaziekin itxi zituen.
Gai zerrenda
Lehena.- 2013ko ekainaren 30ean itxitako ekitaldiari dagozkion kontuak, eta kudeaketa soziala eta emaitzaren aplikazioaren proposamena aztertu eta, hala badagokio, onartzea.
Bigarrena.- 2013ko uztailetik 2014ko ekainaren 30era bitarteko ekitaldi ekonomikorako aurkezten den aurrekontua aztertu eta, hala badagokio, onartzea.
Hirugarrena.- Administrazio Kontseiluko kideak ordezkatu eta izendatzea.
Laugarrena.- Administrazio Kontseiluari baimena ematea Batzarrak hartzen dituen erabakiak interpretatu, zuzendu, osatu, betearazi eta garatzeko, baita Batzarrarengandik jasotzen dituen ahalmenak aldatzeko, eta aipatutako erabakiak instrumentu publiko bihurtzeko ahalmenak ematero ere.
Bostgarrena.- Galderak eta eskaerak.
