Reala
Leverkusen izango dute aurkari
Realak ez du inoiz irabazi Alemanian
Erredakzioa
Hamburgoren aurka galdu zuen antzinako Europako Kopan, eta porrota jaso zuen Stuttgarten aurka UEFAn. Azken txapelketa honetan lortu zuen emaitzarik onena, bina (2-2) Koloniaren aurka.
-
Griezmann eta Seferovic, Sevillari sartutako gola ospatzen. Argazkia: EFE
Realak astezkenean jokatuko du Bayer Leverkusenen aurka Txapeldunen Ligako bigarren jardunaldiari dagokion partida. Talde txuri-urdinak ez du inoiz garaipenik lortu Alemanian jokatu duenean.
Gipuzkoako taldeak Alemanian jokatu zuen lehen aldia, antzinako Europako Kopan izan zen. Hamburgo izan zuten aurkari txuri-urdinek, eta 2-1eko emaitzarekin galdu zuten norgehiagoka.
1988-1989. denboraldiko UEFA txapelketan, Realak Koloniaren aurka jokatu zituen final-zortzirenak, eta bina (2-2) berdinduta bukatu zen partida. Gipuzkoarrek aurrera egin zuten kanporaketa horretan, eta final-laurdenetan Stuttgart izan zuten aurkari. Stuttgarten aurkako lehian, 1-0eko emaitzarekin nagusitu zen Alemaniako taldea.
