Joseba Llorentek, agur Realari

Reala eta Joseba Llorente ados jarri dira jokalariaren kontratua desegiteko. Horrela bada, Realak eta Llorentek adostasunez egiten diote uko kontratuz geratzen zen urteari.

Realak eskerrak eman nahi dizkio Llorenteri gurekin egon den urteetan zehar agertu duen konpromisoa, portaera eta dedikazioarengatik, eta aldi berean zorterik onena opa dio bere etorkizun pertsonal eta profesionalean.