Realeko Nahia Aparicio eta Synne Jensen eta Levante Las Planaseko Chebbak eta Irina Uribe izan dira neurketako golegileak. Txuri-urdinek zortzigarren postuan amaitu dute denboraldia.

Realak Levante Las Planasekin 2-2 berdinduta amaitu du 2023-2024 denboraldiko F Liga. Zubietan jokatutako partidaren amaieran, taldea utziko duten Natalia Arroyo entrenatzailea eta Iris Arnaiz, Synne Jensen eta Alejandra Bernabe jokalariak omendu dituzte. Malko artean esan dute agur.

Anoeta estadioan Tximist Fundazioak antolatutako She Leads kongresua egin dute. Futbolaren arloan liderrak diren emakumeak gonbidatu dituzte ezagutza partekatzeko helburuarekin. Futbolean egin diren aurrerapenak eta erronkak, lidergoa eta genero berdintasuna izan dituzte hizpide.

Natalia Arroyo Realeko entrenatzaileak talde txuri-urdineko jokalarien txaloak jaso ditu Zubietako prentsa-aretoan. Arroyok taldea zuzentzeari utziko dio denboraldi amaieran. Ekainaren 14an, bere azken-aurreko prentsaurrekoa eman du Realeko entrenatzaile gisa.

Mikel Merinok, Realeko erdilariak, komunikabideen aurrean hitz egin du Espainiako selekzioak Eurokopa jokatu aurretik egindako kontzentrazioan. Jokalari nafarrak beste talde batean koka dezaketen zurrumurruei buruz hitz egin du.

Azken txanpan erdietsi du garaipena Realak Madril CFFren zelaian, partida oso maldan gora zuenean. Txuri-urdinek denboraldiko joera berretsi dute Fuenlabradan: aurpegi ezberdinak partida berean.

Chillida Lekun batu dira, larunbatean, "Korner" egitasmoaren baitan, eta taldearen gaurkotasuna hizpide, Imanolen lana nabarmendu dute.

Reala, Alaves, Eibar, Osasuna eta Athletic Genuine Ligaren itxieran ari dira parte hartzen asteburuan Getafen. Futbolaz ari dira gozatzen, baita zaleak ere, giro ederra baitago, zelaian zein harmailetan.

Natalia Arroyo Realeko entrenatzaileak talde txuri-urdina zuzentzeari utziko dio denboraldi amaieran. Gauzak horrela, ustez bera karguan ordezkatuko duen Jose Luis Sanchez Vera egungo Levanteko teknikariari buruz hitz egin du. (adierazpenak, gaztelaniaz)

Roberto Olabe, Realeko futbol zuzendariak Mikel Merino erdilariaren kontratu berritzearekin "kezkatuta" dagoela onartu du. Era berean, ezker hegaleko atzelariaren posizioa indartuko dutela baieztatu du eta klubera, jokalari bakar batengatik ere eskaintzarik iritsi ez direla ziurtatu du.

Madrildarrak 0-2 aurreratu dira Bruunek eta Athenea del Castillo egindako golekin. Atsedenaldiaren atarian, Cecilia Marcosek 1 eta 2koa egin du. Realak ez du Zubietan irabazten azaroaren 25etik.

Realak 0 eta 2 galdu du Atletico Madrilen aurka, Reale Arenan, aurtengo denboraldian jokatutako azken partidan.

Realeko jokalariak, halaber datorren denboraldiari begira, bere buruari proposatu dio estatistiketan gora egitea; EITBri esan dionez, gustatuko litzaioke hamar gol sartu eta hamar asistentzia ematea.

Realak Europa Liga jokatzea ziurtatu du Betisi Benito Villamarinen 0 eta 2 irabazita. Bosgarren urtez jarraian, donostiarrak Europan jokatuko dute.

Irene Paredes Bartzelonako atzelari eta Realeko jokalari ohiak onartu duenez, bere taldea hasieratik izan da nagusi txuri-urdinen aurkako Erreginaren Kopako finalean.

Nerea Eizagirrek aitortu du oso gogorra izan dela Bartzelonaren aurka 8-0 galdu izana, baina gaineratu du azpimarratzekoa dela azken bost urteotan lau final jokatu dituztela, eta ziur agertu da aurrerantzean aukera gehiago izango dituztela eta Realak, azkenean, tituluren bat eskuratuko duela.

Erregina Kopako finalean Bartzelona jaun eta jabe izan bada ere, Euskal Herritik Zaragozara joandako zale txuri-urdinek hasieratik amaierara arte babestu dute euren taldea, eta jokalariek esker ona adierazi diete, behin partida amaituta.

Realeko kirol zuzendariak Zaragozan izandako giro bikaina azpimarratu du, eta, finalari lotuta, Bartzelonaren golak azkarregi iritsi direla adierazi du.

Amaiur Sarriegi Realeko jokalariak EITB Mediarekin hitz egin du Bartzelonaren aurka Erregina Kopako finala 8 eta 0 galdu ostean. Burumakur agertu da, txuri-urdinek kolpe latza jaso baitute.

Realeko hainbat zale daude Zaragozan Erregina Kopako finalean talde txuri-urdina animatzeko. Bartzelonaren kontrako finala nola hartu duten kontatu diote EITB Mediari.