Futbola
Riaden
Milanek Italiako Superkopa irabazi du, Interren aurkako finalean markagailua iraulita
AGENTZIAK | EITB MEDIA
Inter 2-0 irabazten hasi zen arren, Sergio Conceiçãok entrenatzen duen taldeak partida berdindu zuen lehenik, eta garaitu, azkenik, Tammy Abrahamek 93. minutuan sartutako golari esker.
-
Milango jokalariak, Italiako Superkopa irabazi ostean. EFE
Milanek Italiako Superkopa irabazi zuen astelehen honetan, Inter 2-3 mendean hartu ostean, Riaden, Kingdom Arenan jokatutako finalean. Tammy Abrahamek sartu zuen garaipenaren gola, 93. minutuan. Hala, zortzigarren aldiz eraman zuen etxera garaikurra; lehena Sergio Conceição entrenatzailearen gidaritzapean.
Inter (hiru aldiz Italiako Superkopako txapelduna) hasi zen irabazten, atsedena baino apur bat lehenago, 41. minutuan, Lautaro Martinezek egindako gol batekin. Ondoren, bigarren zatiaren hasieran, abantaila areagotu zuen, Mehdi Taremik bigarren gola sartu baitzuen, 47. minutuan.
Dena den, handik gutxira Conceiçãoren gizonak berehala hasi ziren aldea murrizten; 52. minutuan, Theo Hernandezek egin zuen bi eta batekoa, eta berdinketa 80. minutuan iritsi zen, Christian Pulisicek jaurtiketa bat eginda.
Partida luzapenean sartuta zela, Tammy Abraham arduratu zen emaitza iraultzeaz. Horrenbestez, Milanek Italiako Superkopa eskuratu zuen, zortzigarrenez.
