Futbola
F Liga
Realaren eta Athleticen arteko euskal derbia, igandean, ETB2n eta eitb.eus-en
EITB MEDIA
Partida igandean izango da, azaroaren 17an, Reale Arenan, 18:00etan. Bi euskal taldeek azken jardunaldian jokatutako partida irabazi dute. Txuri-urdinak 4. doaz F Ligan, 16 punturekin; zuri-gorriak, berriz, sailkapeneko 5. postuan daude, 14 puntu dituztela.
-
2023-24 F Ligako Reala-Athletic derbiaren jokaldi bat. Argazkia: EFE.
Igandean, azaroaren 17an, euskal derbia izango da Reale Arenan: Realaren eta Athleticen arteko partida jokatuko da bertan, F Ligako 10. jardunaldiari dagokiona. Norgehiagoka zuzenean eskainiko dute ETB2k eta eitb.eus-ek, 18:00etan.
Bi euskal taldeek azken jardunaldian jokatutako partida irabazi dute. Jose Luis Sanchez Veraren jokalariak 4. doaz F Ligan, 16 punturekin, Coruñan Deportivo 0-1 menderatu ostean, Raquel Garciak bere atean sartutako golari esker.
Bizkaiko taldeak, ordea, 14 puntu eskuratu ditu orain arte, eta sailkapeneko 5. postuan dago, 9. jardunaldian Betis 3-0 garaitu ondoren. Nahikari Garciak (penaltiz), Ane Elexpuruk eta Sara Ortegak sartu zituzten golak.
Txuri-urdinak zein zuri-gorriak indartsu iritsiko dira euskal derbira, 3 puntuak eskuratzeko helburuarekin.
