Futbola
Derbia
F Ligako 10. jardunaldiko Reala-Athletic derbia azaroaren 17an jokatuko dute, igandez, Reale Arenan
EITB MEDIA
Partida 18:00etan hasiko da. Realak eta Athleticek ondo ekin diote txapelketari, eta, sei jardunaldiren buruan, hurrenez hurren bosgarren eta seigarren postuetan daude sailkapenean.
-
2023-24ko Ligako Reala-Athletic derbiaren jokaldi bat. Argazkia: EFE.
2024-25 denboraldiko F Ligako hamargarren jardunaldiari dagokion Reala-Athletic derbia azaroaren 17an jokatuko dute, igandez, 18:00etan, Ligak iragarri duenez, eta Realak aurreratu du Reale Arenan izango dela.
Realak eta Athleticek ondo ekin diote txapelketari; izan ere, sei jardunaldi jokatuta, Reala bosgarren postuan dabil sailkapenean, eta Athletic, ordea, seigarren tokian da. Realak lau garaipen daramatza jarraian, eta, guztira, hamabi puntu ditu; Athletic indartsu hasi zen Liga, eta, gerora, bolada txarragoan sartu zen, baina igandean, Ipuruan Eibar aurkari, garaipena eskuratu zuen berriro ere. Zuri-gorriek hamar puntu dituzte.
Horrenbestez, Reala-Athletic F Ligako derbia Reale Arenara bueltatuko da, azaroaren 17an, igandez.
¿ ¿¿¿¿¿¿ ¿¿¿¿¿¿ ¿¿¿¿¿ ¿¿¿¿¿¿ ¿
— Real Sociedad Femenino (@RealSociedadFEM) October 15, 2024
¿ Ondo gorde data!
¿¿ Informazio gehiago datorren egunetan#WeareReal pic.twitter.com/kFQOeifkzc
